ကိုယ်ပိုင်ရုပ်ရှင်ရုံမှာ ကိုယ့်ကားတင်မယ်ဆိုတဲ့ အားသစ်

0
99

ကလေးသရုပ်ဆောင် ဘဝထဲက ပရိသတ်တွေရဲ့ အားပေးမှု ချစ်ခင်မှုတို့ကို ရယူထားနိုင်ပြီး နောက်ပိုင်း မင်းသားအဖြစ် ရုပ်ရှင်ကားတွေကို ရိုက်တဲ့ အချိန်မှာလည်း ပရိသတ်အားပေးမှုကို အခိုင်အမာရရှိထားတဲ့ အားသစ်ကတော့ သူရိုက်ထားတဲ့ ရုပ်ရှင်ကားတွေ ရုံတင်ဖို့ကို စောင့်နေရပြီး ကိုယ်ပိုင်ရုပ်ရှင်ထောင်ထားပါတယ်။ ကိုင်ပိုင်ရုပ်ရှင်ရုံတည်ထောင်းရခြင်းက ကိုယ့်ကားတွေကိုလည်း တင်ချင်လို့ ပြီးတော့ ရုပ်ရှင်ရုံတွေ နည်းလို့လည်း ပါတယ်လို့ အင်တာဗျူးမှာ ပြောသွားခဲ့ပါတယ်။

အားသစ်က “လတ်တလော ကျွန်တော် ကားရိုက်နားထားတာ ကြာပြီ ဒီနှစ်ကုန်မှာ ပြန်ရိုက်ဖို့ရှိတယ်။ အဓိက အကြောင်းအရာကတော့ ကျွန်တော် အရှေ့မှာ ရိုက်ထားတဲ့ ရုပ်ရှင်ကားကြီးတွေက ရုံတင်ဖို့ အခက်အခဲရှိနေတော့ ထပ်ရိုက်ဖို့က အရမ်းပုံနေတော့ အရမ်းနောက်ကျသွားမှာ ရုံတင်တဲ့ ရက်ကျရင် အရမ်းနောက်ကျသွားမှာစိုးလို့ စောင့်နေတာ။”လို့ ပြောသွားခဲ့ပါတယ်။

သရုပ်ဆောင် အကြီးတွေကို မကျော်နိုင်လို့ ရုံတင်ဖို့ ရက်မရတာလားလို့ မေးမြန်းရာ “အဓိကတော့ ရက်မရတာပေါ့။ အခုနောက်လထံမှာ တင့်မယ့် နှစ်ကားဆိုရင် လွန်ခဲ့တဲ့ ၃နှစ်ကျော်၎နှစ်က ရိုက်ထားတာဆိုတော့ စီနီယာတွေနဲ့က ရုံတင်ရက် အပြောင်းအလဲတွေ အစည်းအဝေးတွေ အဆင်မပြေတာနဲ့ ကြန့်ကြာနေတာပေါ့။”လို့ ဖြေသွားခဲ့ပါတယ်။

ရုံတင်ခွင့်မရသေးလို့ စိတ်ဓာတ်ကျတာမျိုးရှိလားလို့ မေးမြန်းရာ “အဲ့လိုမျိုးတော့ မရှိပါဘူး။ အဓိကတော့ ကိုယ်လုပ်ရမယ့်အလုပ်မှာ အားစိုက်ထားဖို့ပဲလေ။ ကျန်တဲ့ Feedback ကတော့ ကံနဲ့ ပရိသတ်ပေါ်မှာပဲ မူတည်တာပေါ့။”လို့ ဖြေဆိုသွားခဲ့ပါတယ်။

ရုပ်ရှင်ရုံဖွင့်ထားတာ အဆင်ပြေလားလို့ မေးမြန်းရာ “ပြေပါတယ်။ ဒီရုပ်ရှင်ရုံလေးက တော်တော်များများလည်း လာကြည့်ကြတယ်။ သူ့ရုံပရိသတ်နဲ့ သူတောင်ရှိနေပါပြီ။” လို့ ပြောခဲ့ပြီး ရုပ်ရှင်ရုံဖွင့်တာ ကိုယ့်ကားတွေကို တင်ချင်လို့လားလို့ မေးမြန်းရာ “အဓိကတော့ အဲ့လိုမျိုးလည်း ပါမှာပေါ့လေ။ ရုပ်ရှင်ရုံတွေ နည်းနေတာတွေလည်း ရှိတယ်ဆိုတော့ စိတ်ကူးလေး ရသွားတာပေါ့။ ရုပ်ရှင်နဲ့ ပတ်သက်တဲ့ စီးပွားရေးတစ်ခုပေါ့ အဆင်ပြေနိုင်လောက်မယ့် စီးပွားရေးပေါ့။”လို့ ပြောသွားခဲ့ပါတယ်။

ရုပ်ရှင်ရုံကို ဦးစီးဦးဆောင် လုပ်ဖြစ်မလားဆိုတာနဲ့ ပတ်သက်ပြီး “လောလောဆယ်တော့ ပထမဆုံးရုံဆိုတော့ လိုက်လေ့လာရုံပဲရှိသေးတယ်။ ဦးစီးဖို့တော့မရှိသေးဘူး နောက်ရုံတွေကျမှပဲ။”လို့ ပြောခဲ့ပြီး နောက်ထပ်ရုံတွေ ထပ်ဖွင့်ရှိသေးလားလို့ မေးမြန်းလိုက်ရာ “အဲ့လိုတော့ မရှိသေးဘူးဗျ ဒါကတော့ အခြေအနေအရပဲလေ နောက်ဖြစ်လာမှာပါ။ နောက်ထပ် သုံးလလောက်နေရင် နောက်၂ရုံထပ်ဆောက်ဖို့တော့ ရှိတယ်။ လောလောဆယ် plan ကတော့ အဲ့တာပဲပေါ့ ကျန်တာတော့ မသိသေးဘူး။ ဒီရန်ကုန်ထဲမှာပဲ ဆိုတော့ လူနေများတဲ့ ရပ်ကွက်တွေနဲ့ နီးတဲ့နေရာပေါ့။ အခုကျွန်တော်တို့ ကြည့်မြင်တိုင်ဆိုလိုရှိရင် ကြည့်မြင်တိုင်ညဈေးပေါ်မှာဆိုတော့ သွားရလာရတာ နီးတယ်ပေါ့ အဲ့လိုမျိူး လူလာနိုင်လောက်တဲ့ နေရာမျိုးတွေပေါ့။”လို့ ပြောသွားခဲ့ပါတယ်။

တစ်ချို့ပရိသတ်တွေက အားသစ်ကို ကလေးသရုပ်ဆောင်လို့ပဲ မြင်နေကျတာနဲ့ ပတ်သက်ပြီး “ဒါကတော့ တွေ့ပါများလာရင်တော့ ပြောင်းလဲသွားမှာပါ။”လို့ ပြောသွားခဲ့ပါတယ်။