ချစ်သူတွေဖြစ်နေပြီဆိုပြီး သတင်းထွက်လာတဲ့ ယွန်းယွန်းနဲ့ အုပ်စိုးခန့်

0
83

ယွန်းယွန်းလေးဟာ ငယ်ငယ်ကတည်းက ပရိသတ်တွေမျက်စိရှေ့မှာပဲကြီးပြင်းလာတဲ့ကလေးမလေးလို့ပြောရင်လည်းမမှားပါဘူး။ ကလေးသရုပ်ဆောင်ဘဝကနေ ခေါင်းဆောင်မင်းသမီးဖြစ်လာတဲ့ ယွန်းယွန်းလေးဟာ တစ်နိုင်ငံလုံးက ဝိုင်းချစ်ရတဲ့ ရင်နှစ်သည်းခြာလေးလို့ဆိုရမှာပါ။ အုပ်စိုးခန့်ကတော့ လွန်ခဲ့တဲ့နှစ်တွေကမှာနာမည်ရစပြုလာတဲ့ တက်သစ်စအဆိုတော်လေးပါ။ အုပ်စိုးခန့်ဟာဆယ်ကျော်သက်ကောင်မလေးတွေရဲ့အသည်းစွဲချစ်ရတဲ့ အဆိုတော်တစ်ယောက်လို့လည်းပြောလို့ရပါတယ်။ အခုတော့ ယွန်းယွန်းနဲ့ အုပ်စိုးခန့်ချစ်နေကြပြီဆိုတဲ့သတင်းကြောင့် ပရိသတ်တွေမှာတော်တော်လေးအံ့သြနေကြရပါတယ်။

ဟုတ်ပါတယ်။ပရိသတ်တွေက ယွန်းယွန်းနဲ့ အုပ်စိုးခန့်ချစ်သူတွေဖြစ်နေကြပြီဆိုတဲ့ ခိုင်လုံတဲ့အထောက်အထားတွေကို ရှာဖွေတွေ့ရှိလာခဲ့ကြပါပြီ။ တကယ်တော့ အုပ်စိုးခန့်က ယွန်းယွန်းကိုချစ်နေခဲ့တာကြာပြီလို့ဆိုရမှာပါ။ နှစ်နဲ့ချီပြီး crush လာခဲ့တယ်လို့လည်းပြောလို့ရပါတယ်။ နှစ်ယောက်သားတကယ်ပဲတွေ့ဆုံခွင့်ရခဲ့တာကတော့ အုပ်စိုးခန့်ရဲ့ တန်ခူးမေ သီချင်း MTV မှာပါတဲ့။ နှစ်ယောက်စလုံးက အင်တာဗျူးတွေထဲမှာနှစ်ယောက်သားစတွေ့တဲ့ရက်ကိုဖြေခဲ့ကြပါတယ်။

အရင်တစ်ခါတုန်းက အုပ်စိုးခန့်နဲ့ ယွန်းယွန်းရဲ့ chatlist တွေပေါက်ကြားလာခဲ့သေးတာမှတ်မိကြဦးမှာပါ။ အဲဒီ screenshots တွေထဲမှာတော့ အုပ်စိုးခန့်က ယွန်းယွန်းရဲ့နှလုံးသားကိုနယ်ချဲ့ဖို့ကြိုးစားနေဆဲကာလဖြစ်ဟန်တူပြီး သူတို့နှစ်ယောက်ချစ်သူဖြစ်သွားကြတာမကြာသေးပါဘူး။ နှစ်ယောက်စလုံးက ချစ်သူဖြစ်သွားတာကို လူသိရှင်ကြားချပြဖို့မကြိုးစားသေးပေမယ့် တစ်ယောက်နဲ့တစ်ယောက်ချစ်သူတွေပါဆိုပြီး တံဆိပ်ကပ်ထားချင်ပုံတော့ပေါ်ပါတယ်။အဲဒါကြောင့်နောက်ပိုင်းမှာ သူတို့နှစ်ယောက်က Instagram Myday မှာ အင်္ကျီဆင်တူလေးတွေနဲ့ဓာတ်ပုံလေးတွေကို တစ်ချိန်တည်းမှာအတူတူတင်လာခဲ့ကြပါတယ်။

အုပ်စိုးခန့်က ယွန်းယွန်းကို မ လို့ခေါ်ပြီးအရမ်းချစ်ပုံပေါ်ပါတယ်။ သူ့ Instagram မှာတောင် သူ့အမေရယ်သူ့အစ်မရယ် နောက်ပြီးချစ်ရတဲ့ ယွန်းယွန်းရယ်ကိုပဲ Follow ထားတာတွေ့ရပါတယ်။

ပြောချင်လွန်းလို့ပရိသတ်ကြီးရော ယွန်းယွန်းနဲ့ အုပ်စိုးခန့်ကိုသဘောတူကြလား။ သူတို့နှစ်ယောက် ရုပ်ရှင်တွေအတူတူရိုက်လာကြရင်ရော အားပေးကြမှာလား။ပြောခဲ့ကြပါဦး။

Can’t Wait To Say