ငါတို့ရဲ့ General သီချင်းကိုလှူလိုက်တဲ့အကြောင်း ပြောလာတဲ့ ဖြိုးမြတ်အောင်

0
79

Myanmar Idol ပြိုင်ပွဲကနေ တဆင့်လူသိများလာပြီး Winner ဖြစ်ခဲ့တဲ့ ဖြိုးမြတ်အောင်ကတော့ သူ့ကို လူစသိပြီး ပရိသတ်အားပေးမှုအခိုင်အမာရရှိစေခဲ့တဲ့ ငါတို့ရဲ့ General သီချင်းကိုတော့ အမျိုးသားဒီမိုကရေစီ အဖွဲ့ချုပ်အောင်နိုင်ရေး သီချင်းအဖြစ် လှူလိုက်ကြောင်း သိရှိရပါတယ်။ ဖြိုးမြတ်အောင်ကတော့ ဒီသီချင်းလေးတွေကို Myanmar Idol စပြိုင်တဲ့အချိန်မှာ ဆိုပြခဲ့ပြီး သူစပြိုင်ကတည်းက ပရိသတ်အားပေးမှုအခိုင်အမာရရှိခဲ့ပြီး နောက်ဆုံး Winner ဖြစ်သွားတဲ့အထိပါပဲ။ သူ့အနေနဲ့ လက်ရှိမှာတော့ သူဒီသီချင်းကို ဘာကြောင့်လှူလိုက်တာလဲဆိုတာကို ပြောပြခဲ့ပြီး ဘယ်လိုခံစားရလဲဆိုတာကို ပြောပြသွားခဲ့ပါတယ်။

ဖြိုးမြတ်အောင်ကတော့ The Radar နဲ့ အင်တာဗျူးတွင် “ကျွန်တော်ကတော့ ဗိုလ်ချုပ်ကို ဂုဏ်ပြုတာပေါ့နော်။ သီချင်းလေးကိုဘာလို့လှူလိုက်လည်းဆိုတော့ တေးရေးကိုယူဇော်က သူလှူလိုက်တာပါ။ သူ့ရေးထားတဲ့ သူ့သီချင်းလေး သူ့မှာလှူပိုင်ခွင့်ရှိတယ်လေ။ သူပိုင်တာပဲ။ ကျွန်တော်တို့ ဒီသီချင်းကို စလုပ်တဲ့အချိန်မှာတော့ ကျွန်တော်တို့ ဘယ်ပါတီဘယ်ဟာမှ မရှိဘူး။ ၂၀၁၅ ခုနှစ်မှာ ဗိုလ်ချုပ်ရာပြည့်ရှိတယ်။ အဲ့ဒါကြောင့် ကျွန်တော်သွားပြောတယ်။ ကိုယူဇော်ရေ ဗိုလ်ချုပ်ရာပြည့်ပွဲတွေ ကျင်းပနေကြပြီပေါ့။ တတ်နိုင်တဲ့အင်အားကလည်း မရှိဘူး။ ဒါပေမယ့်လည်း ကျွန်တော်တို့ တတ်နိုင်တဲ့အနုပညာအားလေးနဲ့ ဖျော်ဖြေမယ်ဆိုပြီး ကိုယူဇော်ကို ဒီသီချင်းရေးခိုင်းလိုက်တာပါ။ ဒါကြောင့်လည်း ဆိုဖြစ်သွားတာပါ”

“ကျွန်တော့်ကို အားပေးကြတဲ့ ပြည်ပက အမျိုးတွေရော မြန်မာနိုင်ငံထဲက အမျိုးတွေရော ဧရာဝတီတိုင်းက အမျိုးတွေရော အားလုံးကို ကျွန်တော် ချစ်ပါတယ်။ ဒီထက်လည်း ပိုပြီးတော့ ကြိုးစားသွားပါဦးမယ်လို့ ကျွန်တော်ပြောချင်ပါတယ်။ အားလုံးကျန်းမာချမ်းသာ ကြစေပါဗျာ”

ဖြိုးမြတ်အောင် သီဆိုထားတဲ့ ငါတို့ရဲ့ General သီချင်းကတော့ တကယ်ကို စိတ်အားတက်ကြွစရာ သီချင်းကောင်း တပုဒ်ဖြစ်ပြီး ယင်းသီချင်းကိုနားထောင်လိုက်ရင်လည်း ရင်ထဲမှာ မြန်မာနိုင်ငံရဲ့ လွတ်လပ်ရေးဖခင်ကြီး ဗိုလ်ချုပ်အောင်ဆန်းကို သတိရအောင့်မေ့နေမှာ သေချာပါတယ်။ ဒါကြောင့် တေးရေးယူဇော်ရေးသားထားပြီး ဖြိုးမြတ်အောင်သီဆိုထားတဲ့ ငါတို့ရဲ့ General သီချင်းကို ပြောချင်လွန်းလို့ပေ့ခ်ျက ဖော်ပြပေးလိုက်ပါတယ်။ ဗီဒီယိုလေးကတော့ အောက်မှာပါ။

အခု MYANMAR IDOL မှာ ပါဝင်ယှဉ်ပြိုင်နေတဲ့ ဖြိုးမြတ်အောင် ရဲ့ ငါတို့ရဲ့ GENERAL သီချင်း လုံးဝ အလန်း

Dikirim oleh Yaw Myanmar pada Minggu, 24 Juni 2018