စိုးပြည့်သဇင်နဲ့ကောလဟလတွေကိုဖြေရှင်းလာတဲ့ ဟိန်းဝေယံ

0
49

တစ်နိုင်ငံလုံးကချစ်တဲ့မင်းသားတစ်ဦးဖြစ်ပြီး တစ်ချိန်က ဆယ်ကျော်သက်တွေရဲ့အသည်းစွဲဖြစ်တဲ့ ဟိန်းဝေယံဟာ အခုလတ်တလောမှာ ပရိသတ်တွေရှေ့ကိုပြန်ပေါ်လာပြီး ရုပ်ရှင်တွေလည်ပြန်ရိုက်နေပြီဖြစ်ပါတယ်။ ဟိန်းဝေယံနဲ့စိုးပြည့်သဇင်က လွန်ခဲ့တဲ့နှစ်ပေါင်းများစွာကတည်းက ရုပ်ရှင်တွေအတူရိုက်ခဲ့ပြီး ခင်မင်ရင်းနှီးခဲ့သူတွေဖြစ်တဲ့အလျောက် အခုလည်း အတူတွဲတွေ့နေရတော့ ပရိသတ်တွေက သူတို့နှစ်ဦးကို ချစ်သူတွေလားရယ်လို့ သို့လောသို့လောဝေခွဲမရဖြစ်လာကြပါတယ်။ အဲဒီကောလဟလတွေနဲ့ပတ်သက်ပြီး ဟိန်းဝေယံက မီဒီယာတွေနဲ့အင်တာဗျူးမှာ ဖြေကြားပေးသွားခဲ့ပါတယ်။

ဟိန်းဝေယံက လက်ရှိမှာချစ်သူမရှိသေးတဲ့ single ဖြစ်ကြောင်းကို “လက်ရှိမှာတော့ တစ်ယောက်တည်းပါပဲ။ ဘယ်လိုပြောရမလဲ တစ်ယောက်တည်းနေချင်တဲ့ စိတ်ဆန္ဒပိုများနေတာလည်းပါတာပေါ့နော်။ အဲဒါကြောင့်တော့ဖြစ်မယ်ထင်ပါတယ်”လို့ ဖြေထားပြီး ပရိသတ်တွေက ဟိန်းဝေယံရဲ့အချစ်ရေးကိုစိတ်ဝင်စားနေကြတဲ့အပေါ် “အဲဒါကတော့ ပရိသတ်တွေဆိုတာကလည်း သူတို့ချစ်တဲ့အားပေးတဲ့ အနုပညာရှင်တွေရဲ့ အချစ်ရေးကိုစိတ်ဝင်စားကြမှာပဲလေ။ ကျွန်တော့်အနေနဲ့ထွေထွေထူးထူးတော့ဘာမှမပြောချင်ပါဘူး”လို့ ရင်ဖွင့်ထားပါတယ်။

စိုးပြည့်သဇင်နဲ့ချစ်သူတွေလားလို့ အထင်ခံရတဲ့ခံစားချက်ကိုတော့ ဟိန်းဝေယံက “ဒါကတော့ ကျွန်တော်တို့မှမဟုတ်ပါဘူး။ အရှေ့တွေမှာလည်း တွဲရိုက်တာများလို့ရှိရင်ထင်ကြတာမျိုးတွေရှိပါတယ်။ ဒီအပေါ်မှာတော့ ဘာမှထွေထွေထူးထူးခံစားရတာတော့မရှိပါဘူး။အရှေ့တွေမှာလည်းသတင်းတွေထွက်လာတဲ့အခါ ဘာမှထွေထွေထူးထူးပြောချင်တာမျိုးတော့မရှိပါဘူး”လို့ ဖြေကြားထားပါတယ်။

စိုးပြည့်သဇင်နဲ့လက်ရှိ ဆက်ဆံရေးအကြောင်းကိုတော့ ဟိန်းဝေယံက “ကျွန်တော်တို့နှစ်ယောက်ကတော့ ရင်းနှီးတာလည်းကြာပါပြီ။ခင်လာကြတာလည်းကြာပြီ။ အရှေ့တွေမှာလည်း ကားတွေလည်းအများကြီးတွဲရိုက်လာခဲ့တာဆိုတော့ခင်ပါတယ်။တစ်ယောက်နဲ့တစ်ယောက် ရင်းရင်းနှီးနှီးခင်ခင်မင်မင်ပါပဲ”လို့ ပြောပြထားပါတယ်။

လက်ရှိအနုပညာလှုပ်ရှားမှုတွေအကြောင်းကို ဟိန်းဝေယံက “ရှေ့ဆက်ပြီးတော့ ကျွန်တော်အနုပညာနဲ့ပတ်သက်ပြီးတော့ ပိုပြီးတော့ ဂရုတစိုက်လေးနဲ့ဇာတ်လမ်းလေးတွေရွေးချယ်ဖြစ်မယ်။ ပိုပြီးတော့ ဂရုစိုက်ပြီးတော့ ရွေးချယ်ရိုက်ကူးဖြစ်မယ်ပေါ့”လို့ ပြောပြသွားပါတယ်။

ပြောချင်လွန်းလို့ပရိသတ်ကြီးရော ဟိန်းဝေယံကိုချစ်ကြလား။ ဟိန်းဝေယံရဲ့သရုပ်ဆောင်မှုတွေကိုရော လွမ်းနေကြပြီလား။ ဟိန်းဝေယံရဲ့အသစ်ထွက်လာတဲ့ဇာတ်ကားတွေကိုရော ဆက်လက်အားပေးကြမှာလား။ ပြောခဲ့ကြဦးနော်။

Can’t Wait To Say