တစ်သောင်းတန်အတုမပါတဲ့ သောင်းဆုကြီးတွေ ပေါက်ကြပါစေဆိုတဲ့ လူမင်း

0
94

အကယ်ဒမီများရှင် သရုပ်ဆောင်ဒါရိုက်တာလူမင်းကြီးဟာဆိုရင်တော့ မြန်မာတစ်နိုင်ငံလုံးက နှစ်ပေါင်းများစွာ နှစ်သက်သဘောကျအားပေးလာတဲ့ အနုပညာရှင်တစ်ယောက်ပါ။ လူမင်းက ပရိသတ်ကိုလည်း ဂါရဝတရားရှိသလို သရုပ်ဆောင်ပညာမှာလည်း တစ်ဖက်ကမ်းခတ်ထူးချွန်တဲ့အတွက် ဒီလောက်နှစ်တွေကြာလာတာတောင်ဘဝတစ်လျှောက်လုံး အောင်မြင်မှုကိုထိန်းထားနိုင်ခဲ့တာလည်းဖြစ်ပါတယ်။ လူမင်းက မကြာသေးမီက မီဒီယာတွေနဲ့ အင်တာဗျူးမှာ လက်ရှိအနုပညာလှုပ်ရှားမှုတွေနဲ့ ပရိသတ်အတွက်နှစ်သစ်ဆုတောင်းတွေဖြေကြားသွားပါတယ်။

လူမင်းက လက်တလောခတ်စားနေတဲ့ နာမည်ကြီးတွေအများကြီးပါတဲ့ ဂျင်ပါတီဆိုတဲ့ဇာတ်ကားနဲ့ပတ်သက်ပြီး “ဒီကားက ဟာသဇာတ်ကားပါ။ ဒါပေမယ့် ကျွန်တော်ကတော့ အတည်ဟာသလုပ်ရမှာပေါ့နော်။ ထောင်ထွက်ကြီးတစ်ယောက်နေရာက သရုပ်ဆောင်ရမှာ”လို့ ပြောပြထားသလို ကာရိုက်တာအကြောင်းကိုလည်း “ဟာသပါပဲ ဗီလိန်နေရာကတော့မဟုတ်ပါဘူး။ ထောင်ထွက်ကြမ်းကြမ်းတမ်းတမ်းပုံစံကြီးနဲ့ဇာတ်လမ်းထဲမှာဝင်ရှုပ်ရမှာပေါ့”လို့ ပြုံးစိစိနဲ့ ပြောပြထားပါတယ်။

လူမင်းက အခုတလောမျက်နှာပေါ်ရောက်နေတဲ့ နှုတ်ခမ်းမွှေးထူထူကြီးရဲ့ဇစ်မြစ်ကိုလည်း “ဒါက ဒါရိုက်တာဂျိုးနဲ့ ရန်ကြွေးဆိုတဲ့ အက်ရှင်ကားတစ်ကားရိုက်နေလို့ ရိုက်တုန်းတန်းလန်းမို့လို့။ကာရိုက်တာကြောင့် လိုအပ်ရင်ထားတာပါ”လို့ ပြောပြထားပြီး ရုံတင်ဖို့ဇာတ်ကားတွေတန်းစီနေတာတော်တော်များများရှိတာမို့ ပရိသတ်နဲ့အဆက်အသွယ်ပြတ်မှာမဟုတ်ကြောင်းလည်းပြောပြထားပါတယ်။

ခေတ်စားနေတဲ့ အခြောက်ကာရိုက်တာတွေ အခြောက်ဇာတ်ရုပ်တွေမရိုက်တဲ့အကြောင်းကို လူမင်းက “ဒါကတော့ သရုပ်ဆောင်တစ်ယောက်က ကိုယ်သရုပ်ဆောင်တဲ့ကာရိုက်တာအပေါ်ကို ကိုယ်ကိုယ်တိုင်ကမှယုံကြည်မှုမရှိဘူးဆိုရင် ငြင်းလိုက်တာကောင်းပါတယ်။ အစ်ကိုတို့လည်းအဲ့လိုပါပဲ။ အစ်ကိုဆိုလို့ရှိရင်အမျိုးသမီးလိုဝတ်တာတို့ မိန်းမလျာဇာတ်ရုပ်တို့ဆို ယုံကြည်ချက်လုံးဝမရှိဘူး။အဲဒါကြောင့်မရိုက်ပါဘူး။ကိုယ်တိုင်ကိုက အဲ့လိုဟာတွေသရုပ်ဆောင်ဖို့ကို မယုံကြည်တာပေ့ါနော် ကိုယ့်ဟာကိုယ် အဲ့ဒါကြောင့်မရိုက်တာပါ”လို့ ရင်ဖွင့်သွားပါတယ်။

လတ်တလောဂယ်ကထနေတဲ့တစ်သောင်းတန်အတုတွေအပေါ်ထင်မြင်ချက်ကို “ဒါကတော့ တာဝန်ရှိတဲ့သူတာဝန်ယူရမှာပါပဲ။အခုလည်း တာဝန်ရှိတဲ့အစိုးရပိုင်းက ဖြေရှင်းချက်တွေထုတ်နေတာတွေ့ရပါတယ်”လို့ ဖြေကြားထားပြီး ပရိသတ်အတွက်နှစ်သစ်ဆုတောင်းကိုလည်း “လူတိုင်းလူတိုင်း အယောက်တိုင်း တစ်သောင်းတန်အတုမပါတဲ့ သောင်းဆုကြီးတွေ ပေါက်ကြပါစေ”လို့ ရယ်မောပြီးဆုတောင်းပေးသွားပါသေးတယ်။

ပြောချင်လွန်းလို့ပရိသတ်ကြီးရောလူမင်းကိုချစ်ကြလား။ လူမင်းသရုပ်ဆောင်ခဲ့တဲ့ဇာတ်ရုပ်တွေထဲမှာဘယ်တစ်ခုကိုအကြိုက်ဆုံးလဲ။ လူမင်းရဲ့အနုပညာလှုပ်ရှားမှုတွေကိုရော ဆက်လက်အားပေးကြမှာလား။ပြောခဲ့ကြပါဦး။

Can’t Wait To Say