တရားစွဲပေမယ့် ဝေဠုကျော်ကိုနစ်နာစေလိုစိတ်မရှိပါဘူးဆိုတဲ့ သင်းသင်း

0
75

ပရဟိတသမားကြီး ဝေဠုကျော်နဲ့ အရှုပ်အရှင်းတွေဖြစ်ခဲ့ပြီး ကာမလိမ်လည်ရယူပါတယ်ဆိုတဲ့ ကိစ္စတွေနဲ့ အင်တာနက်ပေါ်မှာနာမည်ကြီးလာတဲ့ သင်းသင်းက နောက်ဆုံးမှာတော့ ဝေဠုကျော်ကို တရားရုံးမှာဦးတိုက်လျှောက်ထားပြီး တရားစွဲဆိုလိုက်ပြီဖြစ်ပါတယ်။ သင်းသင်းက မီဒီယာတွေနဲ့အင်တာဗျူးမှာ တရားစွဲရတဲ့ကိစ္စနဲ့ပတ်သက်ပြီးဖြေကြားသွားပါတယ်။

သင်းသင်းက တရားစွဲထားတဲ့ကိစ္စကို တရားရုံးတော်က လက်ခံလိုက်ပြီဆိုတဲ့အကြောင်း “မနေ့ကတော့ တရားစွဲလိုက်ပါတယ်။ တရားရုံးကတော့ လက်ခံလိုက်ပြီပေ့ါ။ တရားရုံးက မနေ့က  ၄၁၇ နဲ့ ပုဒ်မတပ်ပေးလိုက်ပါတယ်။ အခုဟာက ဥပဒေက အမျိုးသမီးတွေအတွက် အခွင့်အရေးရှိတယ်ပေါ့နော်”လို့ ပြောပြသွားပါတယ်။

တရားစွဲရတာဟာ လျော်ကြေးလိုချင်လို့မဟုတ်ပဲ တကယ်နစ်နာခဲ့ရလို့သာဖြစ်ကြောင်း “အခုဖြစ်နေကြတာက အဓမ္မမှုတွေဖြစ်နေကြတယ်။ အစ်မပြောချင်တာက အစ်မလိုပဲဖြစ်တဲ့မိန်းကလေးတွေလည်းရှိမယ်လို့အစ်မထင်တယ်။ အစ်မကတော့ စံနမူနာတော့မဟုတ်ဘူးပေါ့နော်။ ဥပဒေဆိုတဲ့အရာကိုသိစေချင်တယ်။ ဥပဒေရဲ့အဆုံးအဖြတ်ကိုလိုက်နာမယ်။ ပြီးတော့ မနေ့က ပြောခဲ့သလိုပဲပေါ့နော်။ လျော်ကြေးလိုချင်လို့မဟုတ်ဘူး။ မိန်းကလေးတစ်ယောက်မှာ တကယ်နစ်နာလို့တရားစွဲခဲ့တာပါ”လို့လည်း ရင်ဖွင့်ထားပါတယ်။

သင်းသင်းက ထမင်းကြော်ကိစ္စလည်းခေါင်းထဲမှာမရှိကြောင်း “ထမင်းကြော်ကိစ္စလည်း ခေါင်းထဲမှာမရှိပါဘူး။ ကိုယ်တကယ်စားခဲ့တာကိုး။ ဝေဖန်နေတဲ့ပရိသတ်ဆိုတာကလည်းလူဆိုတာ ကိုယ့်ကိုလိုတဲ့သူရှိတယ်မလိုတဲ့သူရှိတယ်။ ဒါတွေကို လိုက်ပြီးမခံစားပါဘူး။”လို့ ဖြေထားသလို လူဆိုတာ ကိုယ့်ကိုယ်ကိုယ် အကြည်ညိုမပျက်ရင်ပြီးတာပဲလို့ခံယူကြောင်း “အစ်မကတော့ ကိုယ်ဘယ်လိုမိန်းကလေးလဲဆိုတာ ကိုယ့်ဘာသာသိတယ်။ လူဆိုတာ ကိုယ့်ကိုယ်ကိုယ်အကြည်ညိုမပျက်ရင် အစ်မအဲ့ဒါကို ဂုဏ်ယူတယ်။ ကိုယ့်ကိုယ်ကိုယ်အကြည်ညိုပျက်သွားရင်တော့ အဲဒီလူဟာ သုံးစားမရတော့ဘူးလို့အစ်မထင်တယ်”လို့ ယုံကြည်ချက်ကိုအခိုင်အမာဖွင့်ဟသွားပါတယ်။

သင်းသင်းက တရားသာစွဲရပေမယ့်တစ်ဖက်ကိုနစ်နာစေချင်စိတ်မရှိဘူးလို့လည်းပြောလာပါတယ်။ “ကာယကံရှင်နှစ်ယောက်သာ ဘယ်သူမှားလဲဘယ်သူမှန်လဲဆိုတာ ကိုယ်တွေနှစ်ယောက်အသိဆုံး။ အဲဒီတော့ အချိန်ကစကားပြောသွားပါလိမ့်မယ်။ တစ်ဖက်ကိုလည်း နစ်နာပါစေတော့ဆိုတဲ့အတွေးလည်းမရှိပါဘူး။ တရားဥပဒေရဲ့အကြောင်းလေးကိုလည်းသိစေချင်တယ်။ ပြီးတော့လည်း တရားဥပဒေရဲ့အဆုံးအဖြတ်ကိုလည်းနာခံစေချင်လို့တရားစွဲလိုက်တာပါ”လို့ ဖြေကြားထားပါတယ်။

သင်းသင်းက သူ့ရဲ့ဝှက်ဖဲကိုစောင့်ကြည့်ကြပါဆိုပြီးတော့လည်း “ဝှက်ဖဲဆိုတာကတော့ လူတိုင်းမှာရှိသင့်တယ်တော့ထင်တာပါပဲ။ အစ်မတို့လည်း ပွင့်လင်းတာပါပဲ။ အစ်မဘက်ကတော့ ဝှက်ဖဲရယ်တော့မဟုတ်ပါဘူး။ ကိုယ်ဟုတ်လားမဟုတ်လား။ အချိန်ကစကားပြောသွားပါလိမ့်မယ်။ ဒါပဲပြောချင်ပါတယ်”လို့ သတိပေးသွားခဲ့ပါတယ်။

ပြောချင်လွန်းလို့ပရိသတ်ကြီးရော သင်းသင်းနဲ့ ဝေဠုကျော်တို့အဖြစ်အပျက်မှာဘယ်သူမှန်တယ်ထင်လဲ။ သင်းသင်းရဲ့ထမင်းကြော်ကိစ္စကိုရောဘယ်လိုမြင်ကြလဲ။ ဒီတရားရင်ဆိုင်မှုကြီးကရော ဘယ်လိုပြီးဆုံးသွားမယ်ထင်လဲ။ပြောခဲ့ကြပါဦး။

Can’t Wait To Say