ပရိသတ်ကိုဂျင်းထည့်တယ်ဆိုလို့ ဒေါသနဲ့တုံ့ပြန်လိုက်တဲ့ ခင်လှိုင်

0
105

မနေ့က 27.12.2018 မှာ အိန္ဒြာကျော်ဇင်၊လူမင်း၊မင်းမော်ကွန်း၊ ဝါဝါအောင်၊ ရဲရင့်အောင်၊ရွှေအိမ်စည်၊ခင်လှိုင်၊ကိုပေါက် စသဖြင့် နာမည်ကြီးအနုပညာရှင်တွေရော တက်သစ်စအနုပညာရှင်တွေပါအားလုံးပါဝင်တဲ့ ရုပ်ရှင်ဇာတ်ကားကြီးမိတ်ဆက်ပွဲအခမ်းအနားပြုလုပ်ခဲ့ပါတယ်။ အဲဒီပွဲကို မီဒီယာတွေတော်တော်များများကလည်းတက်ရောက်ပြီးသတင်းရယူခဲ့ကြပါတယ်။ အဲဒီလိုသတင်းယူခဲ့ရာမှာ မထင်မှတ်ထားတာတစ်ခုဖြစ်ပွားခဲ့ပါတယ်။ အဲဒါကတော့ စာနယ်ဇင်းသမားတစ်ယောက်ရဲ့မေးခွန်းကို ဦးခင်လှိုင်က ဒေါသတကြီးတုံ့ပြန်မေးခွန်းထုတ်ခဲ့တဲ့ကိစ္စပါပဲ။

စာနယ်ဇင်းတစ်ဦးက ရုပ်ရှင်နယ်ပယ်ကအနုပညာသမားတွေက နာမည်ကြီးသရုပ်ဆောင်တွေရဲ့ဝိတ်နဲ့သုံးပြီး ဘာမှသိပ်အနှစ်သာရမရှိတဲ့ ရုပ်ရှင်တွေနဲ့ ပရိသတ်ကိုဂျင်းထည့်နေတယ်ဆိုတဲ့သဘောမျိုးမေးခွန်းတစ်ခုမေးမြန်းခဲ့ပါတယ်။ မေးလိုက်ပုံကတော့ “အရင်မြန်မာကားတွေကဆို ဝိတ်တွေအများကြီးသုံးတယ်ပေါ့နော်။ နာမည်ကြီးတွေအများကြီးပါဝင်တယ်။ ဇာတ်လမ်းကဂျင်းထည့်ခံရတယ်ပေါ့နော် ပရိသတ်တွေကို အခုလည်း ဒီကားက ဂျင်းပါတီတော့ ဂျင်းပါတီပေါ့နော်။ဘယ်လိုအိုင်ဒီယာမျိုး messageမျိုးလဲ။ နည်းနည်းဆန်းဆန်းပြားပြားပေါ့။ ဘာလို့လဲဆိုတော့ သုံးထားတဲ့ဟာတွေက စူပါတွေဆိုတော့လေ ဇာတ်လမ်းကဘယ်လောက်ထိကောင်းမွန်မလဲ။ပရိသတ်ကိုနည်းနည်းအာမခံပေးပါဦး”လို့ မေးခဲ့တာပါ။

အဲဒီမေးခွန်းကိုကြားတာနဲ့ ခင်လှိုင်ကချက်ချင်းပဲ မိုက်ကိုကောက်ကိုင်ပြီး “ခဏလေးပါ။ ပရိသတ်ကို ဂျင်းထည့်ခံရတယ်ဆိုတာဘာကိုပြောချင်တာလဲမသိဘူး”လို့ မေးခဲ့ပါတယ်။ အဲဒီမှာ မေးခွန်းမေးသူက “ပရိသတ်တွေပြောကြတာပြောတာပါ”လို့ ပြန်ဖြေခဲ့ပေမယ့် ခင်လှိုင်က ချက်ချင်းပဲမတ်တပ်ထရပ်လာပြီး “အခုဟာက ပရိသတ်ပြောတာမဟုတ်ဘူး ခင်ဗျားပြောတာဖြစ်နေတယ်လေ”လို့ ပြန်ပြောခဲ့ပါတယ်။ မေးသူက ပရိသတ်တွေပြောတာကို comment ကနေဖတ်ပြီး ပြောရတာပါလို့ပြန်ချေပခဲ့ပေမယ့် ခင်လှိုင်က “ပရိသတ်ကမေးတာဆိုရင်တော့ ကျွန်တော်တို့လက်ခံပါတယ်။ ဒါပေမယ့် စာနယ်ဇင်းတစ်ယောက်အနေနဲ့ ကျွန်တော်တို့အနုပညာရှင်တွေကို အဲဒီလိုပြောတာကျတော့အဓိပ္ပါယ်သိပ်မရှိဘူးလို့ ကျွန်တော်တို့ခံစားရတယ်ဗျ”လို့ သူ့ရဲ့မကျေနပ်ချက်ကို ဖွင့်ထုတ်ဖော်ပြခဲ့ပါတယ်။

အဲဒီအချိန်မှာ မေးခွန်းမေးသူက ပရိသတ်တွေက ပြောနေကြလို့ မေးရတာပါလို့ ဖြေရှင်းလိုက်တော့မှ ခင်လှိုင်က “အမှန်တကယ်တော့ အဲဒီလိုသွားရမှာလေ။ အစကတည်းက စမေးကတည်းက ပရိသတ်တွေက ပြောနေကြတယ်။ဘယ်လိုပြောချင်လဲပေါ့။ အဲ့လိုသွားရမှာ။ အခုက ဂျင်းထည့်တယ်ဆိုတဲ့စကားက ငါ့ညီမပြောနေသလိုကြီးဖြစ်နေတယ်လေ”လို့ ပြောပြီး ဒေါသမပြေသေးပုံနဲ့ ပြန်ထိုင်သွားခဲ့ပါတယ်။

အဲဒီမှာ ဇာတ်ညွှန်း ရာဇဝင်ကိုက ဇာတ်ကားနာမည်က ဂျင်းပါတီမဟုတ်ပဲ ဂျင်ပါတီသာဖြစ်ကြောင်း “အရင်ဆုံးပြောချင်တာက ဒီကားရဲ့နာမည်က ဂျင်ပါတီပါ ဂျင်းပါတီမဟုတ်ပါဘူး။ ဂျင်ဆိုတာက မွှတ်နေအောင်လည်တဲ့အရာဝတ္ထုတစ်ခုကို ကျွန်တော်တို့က တင်စားတာပါ။ ဒါကြောင့် ဒီကားထဲမှာပါတဲ့လူတွေအားလုံးကလူလည်တွေပါ။ ဒီလူလည်တွေကြားထဲမှာ သူတို့ချင်းတွေ ပတ်ပြီးတော့လိမ်တဲ့ဇာတ်ကိုကျွန်တော်တို့ ပြမှာပါ။ ဒါကြောင့် ဂျင်းပါတီမဟုတ်ဘူး ဂျင်ပါတီပါခင်ဗျ”လို့ ရှင်းပြသွားပြီး ဇာတ်ညွှန်းကိုဘယ်လိုအာမခံချက်ပေးမှာလဲဆိုတာကို “ဇာတ်ညွှန်းပိုင်းကိုမေးချင်တဲ့လူတွေရှိရင်လည်း ဒီမှာကျွန်တော်တို့ဇာတ်ညွှန်းသမားသုံးဦးပါ။ ကိုမင်းမော်ကွန်းပါတယ်၊ကိုသက်ဦးမောင်ပါတယ်။ ကျွန်တော်လည်းပါတယ်။ ကိုပေါက်တို့ဘာတို့တွေလည်းဝိုင်းပြီးခေါင်းစားထားတယ်။ဒီဇာတ်လမ်းသည် တစ်ခေါင်းတည်းက ထွက်တဲ့ဇာတ်မဟုတ်ပါဘူး။ ခေါင်းပေါင်းများစွာက နှိုက်ထုတ်ထားတဲ့ကားဖြစ်တဲ့အတွက် ဇာတ်လမ်းဇာတ်အိမ်ခိုင်မာမှုကိုအာမခံပါတယ်”လို့ ဖြေကြားပေးထားပါတယ်။

ပြောချင်လွန်းလို့ပရိသတ်ကြီးရော ဂျင်ပါတီကို အားပေးဖို့အဆင်သင့်ဖြစ်နေကြပြီလား။ ဂျင်ပါတီဇာတ်ကားကြီးထဲက ဘယ်မင်းသားမင်းသမီးကိုအကြိုက်ဆုံးဖြစ်မလဲ။ ဇာတ်လမ်းကရော တကယ်ပဲကောင်းမယ်ထင်လား။ပြောခဲ့ကြပါဦး။

Can’t Wait To Say