မိန်းမချင်း တဏှာစိတ်နဲ့ချစ်တာမဟုတ်ဘူးဆိုတဲ့ ထက်ထက်ထွန်း

0
183

တလောတုန်းက ဖေ့ဘုတ်အသုံးပြုသူတွေကြားမှာ မိန်းမချင်း ချစ်ကြည်နူး တစ်တီတူးနေတဲ့ ဓါတ်ပုံတွေကြောင့် ရေပန်းစားသွားတဲ့ ထက်ထက်ထွန်းနဲ့ ယွန်းဝင့်လွှာကိုတော့ မှတ်မိကြဦးမှာပါ။ ယင်းဓါတ်ပုံတွေကြောင့် ဖေ့ဘုတ်အသုံးပြုသူများကြားမှာ သူတို့နှစ်ယောက်ကိုတော့ မိန်းမအချင်းချင်းကြိုက်နေတယ်လို့ ဝေဖန်မှုတွေရှိခဲ့ပြီး သူတို့ကလည်း ဝန်ခံခဲ့ပါတယ်။ တယောက်နဲ့ တယောက် ကြိုက်နေပေမယ့်လည်း မိန်းမရည်းစားတွေလိုမျိုး တဏှာချစ်ချစ်တာမဟုတ်တဲ့အတွက်လည်း အများကြီးမတွေးကြပါနဲ့လို ပြောကြားလာခဲ့ပါတယ်။

မော်ဒယ်ထက်ထက်ထွန်းကတော့ 8 day နဲ့ အင်တာဗျူးတွင် မိန်းကလေးနှစ်ယောက်ချစ်တဲ့ ပုံတွေရိုက်ပြီး တင်တာက နာမည်ကြီးချင်လိုိ့ဆိုပြီး ပြောကြတဲ့အပေါ်မှာတော့ “ဘယ်သူ့ကိုမှလည်း ဘာမှစိတ်ထဲမှာ တွေးပြီးမမြင်ပါဘူး။ ထက်စိတ်ထဲမှာရှိတာကိုပဲ ထက်လုပ်လိုက်တာပါ။ ပရိသတ်တွေလည်း မြင်ချင်သလိုလေး မြင်ပေးလို့ရတယ်ပေါ့။ ဒါပေမယ့်လည်း အမုန်းတွေတော့ မပွားစေချင်ပါဘူး။ ထက်တို့ကြောင့်လည်း အကုသိုလ်တွေ မများစေချင်ပါဘူး။ ထက်တို့က ချစ်ခြင်းမေတ္တာကို ဖြန့်ဝေခြင်း ဖြစ်ပါတယ်။ ပတ်ဝန်းကျင်မှာ ရှိကြတဲ့သူတွေကို မေတ္တာမျှဝေချင်တဲ့ သဘောပါပဲ။ ချစ်တဲ့မျက်လုံးလေးတွေနဲ့ပဲ ကြည့်ရင်တော့ အဆင်ပြေမှာပါ”

ပရိသတ်ကြား ပုံတွေ ပျံနှံ့သွားပြီး ပိုတင်ဖြစ်လာတာနဲ့ ပတ်သက်ပြီး “အောင်မြင်သွားပြီး နောက်ပိုင်းမှာတော့ ထပ်တင်တယ်ပြောတော့ ထက်အရမ်းတော့ မအောင်မြင်သေးပါဘူး။ ပုံတင်တယ်ဆိုတာကတော့ ထက်အနေနဲ့လည်း မအောင်မြင်ခင် အချိန်ကတည်းက တင်ပါတယ်။ အောင်မြင်တဲ့အတိုင်းအတာ ရောက်လာတော့လည်း ကိုယ့်မှာ ရှိတဲ့အတိုင်းအတာ တခုနဲ့ ပရိသတ်က ကိုယ့်ကို သတိထားမိတာပေါ့။ အဲ့ဒါပါပဲ။ အောင်မြင်တဲ့သူပဲ ဖြစ်ဖြစ် မအောင်မြင်တဲ့သူပဲ ဖြစ်ဖြစ် ပုံတွေကတော့ တင်နေကြတာပဲလေ”

“Attention ကတော့ သီးသန့်ယူစရာမလိုပါဘူး။ ဒီဟာကအဲ့လိုယူလို့ရတာလည်း မဟုတ်ဘူး။ ပြီးတော့ ဒီလိုအရာတွေက Attention ယူရင်လည်း သိပ်ကြာကြာခံမှာ မဟုတ်ဘူးလေ။ အဲ့အတွက်ကြီးတော့ လုပ်တာမရှိပါဘူး။ ထက်က ထက်စိတ်ထဲမှာ ရှိတာ လုပ်တတ်တယ်ဆိုတာ ထက်ကို ခင်တဲ့သူတိုင်း သိပါတယ်”

ချစ်သူရှိရဲ့သားနဲ့ မိန်းမချင်းယူမှာလားဆိုတာကို စောင့်ကြည့်မယ်ဆိုတဲ့အပေါ်မှာတော့ “အစကတည်းကလည်း ထက်တို့က ယူမယ်လို့လည်း မပြောခဲ့ဖူးဘူး။ မိန်းမရည်းစားလိုမျိုး တဏှာစိတ်နဲ့ ချစ်တယ်လို့လည်း မပြောခဲ့ဖူးဘူး။ ထက်သူ့ကိုချစ်တယ်။ သူကလည်း ထက်ကို ချစ်တယ်။ သူ့မှာလည်း ရည်းစားရှိတယ်။ ထက်မှာလည်း ရည်းစားရှိတယ်။ ဒီတိုင်းပဲ ချစ်ကြပါတယ်လို့ပဲ ပြောလိုက်တာပဲလေ။ အဲ့လောက် ထိကြီးတော့ မတွေးပါနဲ့ အဲ့လောက်ကြီးထိလည်း မဟုတ်သေးပါဘူး” ဟု ပြောကြားသွားခဲ့ပါတယ်။