မိုဘိုင်းဖုန်းတွေဟာ အိမ်သာထိုင်ခုံထက် ခုနစ်ဆညစ်ပတ်ကြောင်းတွေ့ရှိ

0
62

တောက်ပတဲ့ မျက်နှာပြင်နဲ့ အလွယ်တကူ ဆောင်ယူသုံးစွဲနိုင်တဲ့ စက်ပစ္စည်းလေးတွေဟာ ဒီဘက်ခေတ် လူသားတွေအတွက် မရှိမဖြစ်နီးပါးပါပဲ။ ဒါပေမယ့် ဘယ်သွားသွား ဖုန်းကို လက်ထဲက မချသူတွေကတော့ သူတို့ရဲ့ ဟန်းဆက်တွေပေါ်မှာ ဘက်တီးရီးယားတွေ ဘယ်လောက်ပါလာတယ်ဆိုတာ သိရရင် ကြောက်လန့်သွားမှာ အမှန်ပါ။ယခုထွက်ပေါ်လာတဲ့ သုတေသနရလဒ်တစ်ခုအရဆိုရင် စမတ်ဖုန်းတစ်လုံးဟာ အိမ်သာထိုင်ခုံတစ်ခုထက် ပျမ်းမျှခုနစ်ဆ ပိုညစ်ပတ်တယ်လို့ ဆိုပါတယ်။ လည်သာကာဗာကို အသုံးပြုထားတဲ့ ဟန်းဆက်တွေဟာ အဆိုးဆုံး ဖြစ်ပြီး သန့်ရှင်းတယ်လို့ ထင်ရတဲ့ ပလတ်စတစ်ကာဗာနဲ့ ဖုန်းတွေတောင်မှ သာမာန်ထိုင်ခုံတစ်လုံးပေါ်မှ တွေ့ရတဲ့ ပိုးမွှားတွေထက် ခြောက်ဆလောက် ရှိနေနိုင်တယ်လို့ ဆိုပါတယ်။

ဒါ့ပြင် ရုံးလုပ်သားငါးယောက်မှာ နှစ်ယောက်နှုန်းဟာ သူတို့ လုပ်ငန်းခွင်က အိမ်သာထဲကို လက်ကိုင်ဖုန်း ယူဆောင်သွားလေ့ရှိကြောင်း သိရပါတယ်။ Company Initial Washroom Hygiene ဟာ အရာဝတ္ထုတွေရဲ့ မျက်နှာပြင်ပေါ်က ဘက်တီးရီးယားတွေကို စစ်ဆေးနိုင်တဲ့ လက်ကိုင်ကိရိယာဖြင့် စမ်းသပ်ခဲ့ရာမှာ အိမ်သာထိုင်ခုံ တစ်ခုဟာ ဘက်တီးရီးယား ခိုအောင်းနေတဲ့ နေရာ ၂၂၀ သာရှိပေမယ့် ပျမ်းမျှမိုဘိုင်းဖုန်း တစ်လုံးပေါ်မှာတော့ ၁၄၇၉ နေရာထိ ရှိတယ်လို့ ဆိုပါတယ်။အဘာဒင်းတက္ကသိုလ်မှ ဘက်တီးရီးယားဗေဒဆိုင်ရာ ပါမောက္ခ ဟုခ်ျပန်နင်းတန်ကတော့ စမတ်ဖုန်းကို ဘက်တီးရီးယား စစ်ဆေးတာဟာ လက်ကိုင်ပုဝါပေါ်ကို စစ်ဆေးတာနဲ့ အတူတူပဲလို့ ဆိုပါတယ်။ ၄င်းအရာကို နေ့စဉ်အချိန်ကြာမြင့်စွာ သုံးစွဲကိုင်တွယ်နေတဲ့အတွက် ပိုများရခြင်းဖြစ်တယ်လို့ သူကတော့ ပြောပါတယ်။

ဒီလိုတွေ့ရတဲ့ ဘက်တီးရီးယားတွေဟာ ကိုင်ဆောင်သူရဲ့ ဘက်တီးရီးယားတွေပဲ အဖြစ်များတာကြောင့် ရောဂါကူးစက်နိုင်ခြင်း ရာခိုင်နှုန်းကတော့ အင်မတန်နည်းတယ်လို့ ဆိုတယ်။ ဒါပေမယ့် စမတ်ဖုန်းတွေကိုတော့ လဲလှယ်မသုံးစွဲစေလိုဘူးလို့ ပြောပါတယ်။၂၀၁၁ ခုနှစ်က လန်ဒန်မြို့ Hygiene & Tropical Medicine ကျောင်းတော်မှ သုတေသနမှာ မိုဘိုင်းဖုန်း ခြောက်လုံးအနက် တစ်လုံးမှာ အစာအိမ်နာကျင်ခြင်းနဲ့ အစားအသောက်အဆိပ် ဖြစ်စေတဲ့ အီကိုလီပိုးကို တွေ့ရလေ့ရှိကြောင်း ထုတ်ပြန်ခဲ့ပါတယ်။

နောက်ဆုံးစမ်းသပ်ချက်မှာတော့ ဖုန်းအလုံး ၅၀ ကို စမ်းသပ်ခဲ့ရာမှာ ပိုက်ဆံအိတ်အဖြစ်လည်း အသုံးပြုနိုင်တဲ့ လည်သာဖုန်း Casing ဖုန်းအုပ်ထားတဲ့ ဟန်းဆက်မှာ အညစ်ပတ်ဆုံးဖြစ်တယ်လို့ သိရပါတယ်။ ကျွမ်းကျင်သူတွေကတော့ ဖုန်းတွေညစ်ပတ်ရတာဟာ သန့်စင်ခန်းတွေထဲ ယူသွားကြလို့ အဓိကဖြစ်ကြောင်း ယူဆနေကြပါတယ်။ လုပ်ငန်းခွင်က သန့်စင်ခန်းထဲကို ဖုန်းယူသွားတဲ့ဦးရေဟာ ၄၀ ရာခိုင်နှုန်း ရှိနေပေမယ့် အိမ်သာက ပြန်ထွက်လာရင် ဖုန်းကို သန့်ရှင်းမှုလုပ်တာကတော့ ၂၀ ရာခိုင်နှုန်းတောင် မပြည့်ဘူးလို့လဲ သိရပါတယ်။