မြင့်မြတ် ဆုံးမလိုက်လို့လိမ်မာသွားတယ်ဆိုတဲ့ လူမိုက်တစ်ယောက်

0
107

မြင့်မြတ်ဟာ လွန်ခဲ့တဲ့နှစ်တွေအကြာကတည်းက အောင်မြင်လာခဲ့တဲ့မြန်မာနိုင်ငံရဲ့ထိပ်တန်းမင်းသားတစ်ယောက်ဖြစ်ပြီး တစ်နိုင်ငံလုံးက ပရိသတ်တွေရဲ့အချစ်တွေကိုရရှိပိုင်ဆိုင်ထားသူတစ်ဦးလည်းဖြစ်ပါတယ်။ ဒါ့အပြင် မြင့်မြတ်က လုပ်ဖော်ကိုင်ဖက်တွေရဲ့လေးစားမှုတွေမြတ်နိုးမှုတွေကိုအပိုင်သိမ်းထားသူလည်းဖြစ်ပါတယ်။ ဟိုတလောကလည်း လူမှုကွန်ယက်မှာ လှိုင်သာယာက ဆိုးပေ့မိုက်ပေ့ဆိုတဲ့လူမိုက်တစ်ဦးက မြင့်မြတ်ရဲ့အဆုံးအမကြောင့်လိမ်မာသွားတယ်ဆိုတဲ့သတင်းကောင်းတစ်ခု ပျံ့နှံ့လာခဲ့ပါသေးတယ်။ အဲဒီ ကိစ္စနဲ့ပတ်သက်ပြီးမြင့်မြတ်က မီဒီယာတွေနဲ့အင်တာဗျူးမှာ ဖြေကြားသွားခဲ့ပါတယ်။

လိမ်မာသွားတယ်ဆိုတဲ့လူမိုက်ဟာ မြင့်မြတ်အနားမှာနေနေတာကြာပြီဖြစ်ကြောင်း “ကျွန်တော်ကတော့ ဘယ်လိုပြောရမလဲ သူဆိုလို့ရှိရင် ကြာပြီဗျာ ကျွန်တော့်နားမှာ၊ ကျွန်တော်သရုပ်ဆောင်စလုပ်ကတည်းက ကျွန်တော့်နားမှာရှိနေတာ။ သူ့ဟာသူအပြင်မှာလူမိုက်လားဘာလားတော့ကျွန်တော်လည်းမသိဘူး။ ကျွန်တော့်နားမှာရောက်တယ်။ အားလုံး ညီအစ်ကိုလိုမိသားစုလိုဆိုတော့ သူ့ကိုလည်းကျွန်တော် လူမိုက်လို့လည်း မမြင်ဘူး”လို့ ပြောပြထားပါတယ်။

အဲဒီလူက လူမိုက်ပုံလည်းမပေါက်တဲ့အပြင် အနုပညာလောကထဲရောက်ပြီးမှစိတ်သဘောထားနူးညံ့လာတယ်ဆိုပြီးတော့လည်း မြင့်မြတ်က “သူက ဘယ်လောက်ဟိုဟာဖြစ်ဖြစ်လည်း လူမိုက်ပုံလည်းမပေါက်ပါဘူး။ သူ့ဟာသူတော့မိုက်တာပေါ့နော်။ တော်တော်များများတော့ ကျွန်တော်လည်းသတိထားမိပါတယ်။ တော်တော်များများဟာ အနုပညာလောကထဲဝင်ရောက်လာလို့ရှိရင်စိတ်လေးတွေပြောင်းလာကြတယ်ပေါ့နော်။ ပြောတာဆိုတာ နေတာထိုင်တာကအစ စိတ်သဘောထားတွေပြောင်းလာကြတယ်။ သိမ်မွေ့လာတယ် အဲ့လိုလေးပေါ့”လို့ ပြောပြထားပါတယ်။

စက်အဖွဲ့သားတွေက မြင့်မြတ်ကိုကန်တော့တာနဲ့ပတ်သက်ပြီး ခံစားချက်ကို “ကျွန်တော်ကတော့ မိသားစုလိုပဲသဘောထားပါတယ်။လုပ်ဖော်ကိုင်ဖက်ဆိုတာထက်။ပြောရမယ်ဆိုလို့ရှိရင် ကျွန်တော်တို့နေ့စဉ်ပုံမှန်နီးပါးပါပဲ ရိုက်ကွင်းရှိတယ်ပေါ့နော်။ မနက်တိုင်းဆယ်နာရီခွဲဆယ့်တစ်နာရီလောက်ဆို ကျွန်တော်ရိုက်ကွင်းရောက်ပြီ။ ပုံမှန်ညနေခြောက်နာရီလောက်ထိပေါ့။ Night Scence ပါရင် ဆယ့်တစ်၊ဆယ့်နှစ်လည်းဖြစ်ချင်ဖြစ်မယ်။ပြောချင်တာက ကျွန်တော့်မိသားစုနဲ့တွေ့ရတဲ့အချိန်ထက် ဒီရုပ်ရှင်လောကသားတွေနဲ့တွေ့ရတဲ့အချိန်ကပိုများတယ်။ကျွန်တော့်အိမ်မှာဆိုရင် ကျွန်တော့်မိသားစုနဲ့တောင်သိပ်မတွေ့ဖြစ်ဘူး Night Scence ပါလို့ရှိရင်။ ရုပ်ရှင်လောကသားတွေနဲ့ပိုတွေ့ဖြစ်တယ်။ အဲ့တော့ အကုန်လုံးက သံယောဇဉ်တွေဖြစ်နေကြတာပေ့ါ။ ကျွန်တော်ကတော့ အားလုံးကိုမိသားစုလိုပဲသဘောထားပါတယ်”လို့ ရင်ဖွင့်ထားပါတယ်။

ပြောချင်လွန်းလို့ပရိသတ်ကြီးရော မြင့်မြတ်ကိုချစ်ကြလား။ မြင့်မြတ်ရဲ့ဘယ်ရုပ်ရှင်ကားကိုအကြိုက်ဆုံးလဲ။ မိသားစုနဲ့အတူနေရမယ့်အချိန်တွေကိုစွန့်လွှတ်ပြီးရိုက်ကူးထားရတဲ့ မြင့်မြတ်ရဲ့ရုပ်ရှင်တွေကိုဆက်လက်အားပေးကြမှာလား။ပြောခဲ့ကြပါဦး။

Can’t Wait To Say