Selena နဲ့ တူတယ်ပြောတော့ ရှက်တာပေါ့ဆိုတဲ့ ဖြူဖြူထွေး

0
41

ဟာသ Video လေးတွေနဲ့ပရိသတ်မျက်စိရှေ့ကိုရောက်လာခဲ့ပြီး နောက်ပိုင်းမှာ မော်ဒယ်သရုပ်ဆောင်တစ်ယောက်အဖြစ်နာမည်ကြီးလာပေမယ့်လည်းပြောင်းလဲမသွားပဲ ရိုးသားပွင့်လင်းတဲ့ကိုယ်ပိုင်ဟန်ပန်နဲ့ရပ်တည်နေဆဲဖြစ်တဲ့ ဖြူဖြူထွေးဟာ တစ်နိုင်ငံလုံးက ဝိုင်းချစ်ကြတဲ့ ငယ်ရွယ်လှပတဲ့ မော်ဒယ် အကမယ်လေးဖြစ်ပါတယ်။ ဖြူဖြူထွေးက မကြာသေးမီက ကြော်ငြာတစ်ခုမှာ ဆံပင်တုအစွမ်းနဲ့နိုင်ငံခြားမင်းသမီးလေးလိုဖြစ်သွားပြီး Selena Gomez နဲ့ တူတယ်လို့ပရိသတ်တွေကဝိုင်းဝန်းချီးကျူးထောပနာပြုခြင်းကိုခံလာရပါတယ်။ ဖြူဖြူထွေးက မီဒီယာတွေနဲ့အင်တာဗျူးမှာ Selena နဲ့ တူတယ်ဆိုတာကိုရော အခြားအနုပညာလှုပ်ရှားမှုတွေအကြောင်းပါဖြေကြားထားခဲ့ပါတယ်။

ဖြူဖြူထွေးက လက်ရှိအနုပညာလှုပ်ရှားမှုတွေအကြောင်းကို “လတ်တလောအနုပညာလှုပ်ရှားမှုကတော့ ဆက်တိုက်ပါပဲ။ကြော်ငြာလေးတွေ၊ကြော်ငြာဘက်ပိုင်းကတော့ ရန်ကုန်မှာတော့မရိုက်ဖြစ်ဘူး။နယ်ဘက်ပိုင်းလေးတွေရိုက်ဖြစ်နေတယ်။ Online Film Short တိုတိုလေးတွေ နှစ်မိနစ်စာသုံးမိနစ်စာလေးတွေရိုက်ဖြစ်နေတယ်”လို့ ပြောပြထားပါတယ်။

Selena Gomez နဲ့တူတယ်လို့ဝိုင်းပြောကြတဲ့အပေါ် ဖြူဖြူထွေးက “ဒါက ကိုယ်လည်းအားကျတဲ့ အားပေးတဲ့အဆိုတော်ပေါ့နော်။ ကိုယ့်ရဲ့လေးစားရတဲ့ပုဂ္ဂိုလ်တစ်ဦးပေါ့နော်။ ကြိုက်လည်းကြိုက်ပါတယ်။ သူ့သီချင်းတွေဆို အမြဲတမ်းနားထောင်ဖြစ်ပါတယ်။ အခုလိုမျိုးတူတယ်ပြောတော့ နည်းနည်းတော့ရှက်တာပေါ့လို့”လို့ ရယ်မောရင်းဖြေကြားထားပါတယ်။

Selena နဲ့ တူတာတွေက တစ်ခုမကပဲအများကြီးရှိပါတယ်လို့လည်း “တကယ်တော့မတူပါဘူး။ တစ်ခါတစ်လေအချို့ပုံလေးတွေက ဆင်သွားတာမျိုးလေးတွေပေ့ါနော်။ အဲဒါကြောင့်ပရိသတ်ကတူတယ်ပြောကြတာပါ။ အချို့ကလည်းသူတို့ပဲတူတယ်ပြောတာပေါ့နော်။ ဒါ ကိုယ့်ကိုချစ်တဲ့လူတွေရဲ့အချို့အဝက်ကတူတယ်ပြောကြတယ်။ အချို့ကတော့ လုံးဝမတူဘူးပေါ့နော်။ မတူပါဘူးဘာသွားတူတာလဲ တူတာဆိုလို့တစ်ခုပဲရှိတယ်ဘာညာနဲ့ အဲ့လိုမျိုးပြောတာ။အများကြီးရှိပါတယ်လို့ တကယ်ရေရင်ပေါ့”လို့ ရယ်ရင်းပြောပြထားပါတယ်။

ဖြူဖြူထွေးက သုံးဘီးကားကြော်ငြာမှာသုံးကိုယ်ခွဲရိုက်ထားကြောင်းကို “အဲ့နေ့ကလည်းသုံးကိုယ်ခွဲရိုက်ရတာဆိုတော့ ဖက်ရှင်လေးကိုတစ်ခုနဲ့တစ်ခုမတူအောင် ရိုက်ထားတာ။ အခြားဟာတွေရှိသေးတယ်။ မြန်မာဆန်ဆန်လေးနဲ့ရိုက်ထားတာရော အခြား သူတို့ Ti Ti သုံးဘီးဆိုင်ကယ် ယူနီဖောင်းနဲ့လည်းရိုက်ထားတာရှိသေးတယ်”လို့ ပြောပြထားပါတယ်။

စပွန်ဆာယူထားလားလို့အမေးခံရလို့ ဝမ်းနည်းရကြောင်းကိုလည်းဖြူဖြူထွေးက “အဲ့နေ့က ဦးလေးကြီးကလာမေးတာ။အသက်ကြီးတယ်ဆိုတော့ ကောင်းကောင်းမွန်မွန်လေးပဲပြန်ပြောလိုက်ပါတယ်။ အဲ့လိုမျိုးလည်းမမေးသင့်ပါဘူးလို့။ ကလေးကို ကလေးပဲရှိသေးတာလေ။ စော်ကားသလိုဖြစ်တာပေါ့နော်။ ငယ်ငယ်လေးကတည်းက ကိုယ့်ဟာကိုယ်ရိုးရိုးသားသားလုပ်ကိုင်စားသောက်လာတာလေ။ စပွန်ဆာပေးလို့လားဆိုတဲ့စကားကြီးမေးလိုက်တော့ ရင်ထဲမှာတော်တော်ဝမ်းနည်းသွားတယ်။ ရိုးသားတဲ့လူကိုစော်ကားတာလောက်အရမ်းမုန်းတာမရှိဘူး”လို့ ရင်ဖွင့်ထားပါတယ်။

ပြောချင်လွန်းလို့ပရိသတ်ကြီးရော ဖြူဖြူထွေးကိုချစ်ကြလား။ ဖြူဖြူထွေးရဲ့အနုပညာအလုပ်တွေကိုရော အားပေးကြမှာလား။ ပြောခဲ့ကြပါဦး။

Can’t Wait To Say

LEAVE A REPLY

Please enter your comment!
Please enter your name here